चाबहिलको सरस्वतीनगरमा भाँडा पसल सञ्चालन गर्दै आएकी निरा आचार्यको हत्या अभियोगमा पक्राउ परेका विनोद विकले सुनको सिक्री लुट्ने क्रममा प्रतिकार गरेपछि हत्या गरेको बयान दिएका छन् ।

शनिवार झापामा पक्राउ परेका विकले सुन लुट्ने क्रममा निराले प्रतिकार गरेपछि हत्या गरेको बयान दिएका हुन् ।

‘सुन र पैसा लुट्ने क्रममा प्रतिकार भएपछि हत्या गरेको हुँ भन्ने बयान दिएको छ । हत्या गर्न पसलकै चक्कु प्रयोग गरेको उसले बताएको छ,’ प्रहरी स्रोतले लोकान्तरसँग भन्यो ।

झापाबाट पक्राउ गरेर ल्याइएका विकलाई केन्द्रीय अनुसन्धान ब्यूरोले अहिले पत्रकार सम्मेलन गरेर सार्वजनिक गर्दैछ ।