धादिङमा गुडिरहेको बसमा एक्कासी आगलागी भएको छ।

शनिबार बिहान साढे ११ बजेतिर धुनिवेशी नगरपालिका-९ गणेशमन्दिरस्थित सडकखण्डमा गुडिरहेको बसमा आगलागी भएको जिल्ला प्रहरी कार्यालयका धादिङका एसपी गौमत मिश्रले जानकारी दिए।

खानीखोलाबाट काठमाडौं आउँदै गरेको ग १ ख ४८४६ नम्बरको बसमा एक्कासी आगलागी भएको हो।

वाइरिन सर्ट भएर आगलागी भएको एसपी मिश्रले जानकारी दिए। धुँवा आउन थालेपछि चालकले बसलाई छेउमा रोकेर यात्रु ओरालेका थिए।

बसमा अन्दाजी २५ जना यात्रु थिए। उनीहरू सबै जना सकुशल छन्।

यस्तै बसमा पूर्ण रूपमा क्षति पुगेको छ। आगलागी पनि दमकल र प्रहरीको सहायताले नियन्त्रणमा लिइसकेको छ।