Khabar Samachar

न्युरोडमा छुरा प्रहार गरी युवक हत्या आरोपमा २ युवतीसहित ४ जना पक्राउ

232
VIEWS

काठमाडौंको न्युरोडमा इन्द्रजात्रा हेर्न गएका युवकको छुरा हानी हत्या भएको घटनामा दुई युवतीसहित ४ जना पक्राउ परेका छन् ।

पक्राउ पर्नेमा काठमाडौं-१९ की २० वर्षीया सोनिया श्रेष्ठ खड्गी, ललितपुरको एकान्तकुनाका २२ वर्षीय सन्देश खड्गी, मकवानपुरको हेटौँडाकी १९ वर्षीया भूमी मल्ल र ललितपुरको गोदावरीका १९ वर्षीय अरविन ठकुरी रहेका छन् ।

ओखलढुंगाको लिखुका १७ वर्षीय सनी कार्कीको सोमबार छुरा प्रहार गरी हत्या भएको थियो । प्रहरीका अनुसार अरविनले छुरा प्रहार गरेका थिए । जात्रामा भोलेन्टियरका रुपमा खटिएका सोनिया र सन्देशले भूमि र अरविनलाई जात्रा हेर्न न्युरोड बोलाएको प्रारम्भिक अनुसन्धानमा खुलेको छ । मदिरा सेवनपछि अरविनको समूह र सनीको समूहबीच विवाद भएको पाइएको छ ।

‘सनिको समूहले हाम्रो एरियामा आएर ठुलो कुरा गर्ने भनेपछि विवाद हुँदा ठकुरीले छुरा प्रहार गरेको देखिन्छ । उनलाई युवतीले छुरा दिएको भन्ने छ’, अनुसन्धानमा खटिएका एक अधिकारीले भने । सनी क्षेत्रपाटीमा बस्दै आएका थिए । छुरा प्रहारबाट घाइते भएका सनीको उपचारका लागि लैजानेक्रममा मृत्यु भएको थियो ।

यो खबर पढेर तपाईलाई कस्तो महसुस भयो ?
Array
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित