स्कटल्यान्डको एबरडीन शहरमा भएको आगलागीमा दुई जना नेपाली दिदीबहिनीको ज्यान गएको छ । ब्ल्याक हिल्टन रोडमा सोमबार भएको आगलागीमा नेपालको पोखरा घर भएका शिक्षा सुवेदी र आँचल सुवेदीको ज्यान गएको एबरडिन लाइभले जनाएको छ ।समाचारमा जनाइएअनुसार सुवेदीद्वय दिदीबहिनी हुन् । अन्दाजी २२ वर्षीया आँचल इञ्जिनियर हुन् भने २४ वर्षकी शिक्षा आईटी पेसामा आबद्ध थिइन् ।आगलागीका बेला धुवाँमा निस्सासिएर उनीहरूको मृत्यु भएको हो । घटनाबारे अनुसन्धान भइरहेको स्कटल्यान्ड प्रहरीले जनाएको छ ।