बाँकेस्थित जयन्दु बाल सुधार गृहमा कैदीबन्दीबीच झडप भएको छ।

गएराति डडुवा गाउँपालिका-६ स्थित सुधार गृहमा खाना खाने विषयमा कैदीबन्दीबीच झडप भएको थियो।

झडपपछि ६० जना कैदीबन्दीहरू सुधार गृहबाट निस्किएको जिल्ला प्रहरी कार्यालय बाँकेका एसपी तुलबहादुर कार्कीले जानकारी दिए।

तीमध्ये ५८ जनालाई नियन्त्रणमा लिइसकेको उनले बताए। २ जना कैदीबन्दीको अझै खोजी जारी रहेको एसपी कार्कीले बताए।

जयन्दु बालसुधार गृहको प्रमुख बिमला काउचामगरका अनुसार अहिलेसम्म फरार दुई बालकैदी भारतीय नागरिक हुन्। उनीहरू डेढ वर्षदेखि सोही बाल सुधार गृहमा बस्दै आएका थिए।