गोर्खाको धार्चे गाउँपालिका वडा नम्बर ५ सिङ्लास्थित रेसेफाँटमा पहिरोमा परि घाइते भएका दुई जनाको हेलिकप्टरमार्फत उद्धार गरिएको छ ।

पहिरोमा परि सिङ्लाका ३५ वर्षीय दिलिप गुरुङ र २७ वर्षीय छमबहादुर गुरुङ घाइते भएका थिए । उनीहरुमध्ये दिलिपको अवस्था गम्भीर रहेको बताइएको छ । पहिरोमा परि बेपत्ता भएकाहरुको भने खोजी कार्य भइरहेको डीएसपी श्रेष्ठले बताए ।

गए राति लेदोसहित पहरोले घर र फार्म पुरेको थियो। सडक खनेको नान्सेन जंगलबाट लेदोसहित पहिरो गाउँ पसेको थियो।

स्थानीय जितबहादुर गुरूङसहित उनको परिवारका तीन जनासहित पाँच जना बेपत्ता छन्।

एकै परिवारका जितबहादुर गुरूङ, उनकी श्रीमती कान्छीमाया गुरूङ, उनका बुवा सुलाल कान्छा गुरूङ बेपत्ता छन्। सोही गाउँका रमेश गुरूङ र रमेश परियार पनि बेपत्ता रहेको प्रहरीले जनाएको छ।