रसायनिक फोहोरमैला, औद्योगिक फोहोर, स्वास्थ्य संस्थाजन्य फोहोर, जोखिमपूर्ण फोहोर वा हानिकारक फोहोरमैला जथाभावी फाल्ने, राख्ने वा निष्कासन गर्ने वा गराउनेलाई ५० हजार देखि १ लाखसम्म जरिवाना गराउन सक्ने व्यवस्थाअनुरूप पत्र काटिएको उनले बताइन् ।

यही कसुर दोहोर्‍याए पहिलो पटक गरिएको जरिवानाको दोब्बर अनुमति रद्द गर्न सम्बन्धित निकायमा लेखी पठाउन सक्ने व्यवस्था छ । महानगरले एभरेष्ट अस्पतालको फोहोर व्यवस्थापन भए/नभएको बारे ३ पटक अनुगमन गरिसकेको जनाएको छ । यसअघि सुझाव र सुधारको मौका दिइए पनि अस्पतालले लापरवाही गरेको महानगरको भनाइ छ ।