विपक्षी दलहरूले भिजिट भिसा प्रकरणमा मुछिएका गृहमन्त्रीले रमेश लेखकले छानबिनलाई सहयोग गर्न राजीनामा दिनुपर्ने अडान यथावत् राख्ने भएका छन् । मंगलबार बिहान नेकपा (माओवादी केन्द्र) संसदीय दलको कार्यालयस्थित पुष्पकमल दाहाल प्रचण्डको कार्यकक्षमा बसेको बैठकले छानबिनका लागि मार्ग प्रशस्त गर्नुपर्ने निष्कर्ष निकालेको हो । बैठकले उच्चस्तरीय छानबिन समिति बनाउने र त्यो समितिले विगतका गृहमन्त्रीको कार्यकालको समेत भिजिट भिसा प्रकरण बारे छानबिन गर्नुपर्ने निष्कर्ष निकालेको रास्वपाका प्रवक्ता मनिष झाले जानकारी दिए । वर्तमान गृहमन्त्रीले छानबिनको परिणाम नआएसम्म, अनुसन्धान प्रभावित नगर्न राजीनामा दिएर सहयोग गर्नुपर्ने उनले बताए । यसबारे जिम्मेवारी लिन र जनाउन प्रधानमन्त्रीले सदनमा आएर प्रतिबद्धता व्यक्त गर्नुपर्ने माग विपक्षी दलले अघि सारेका छन्। तीन बुँदाको निष्कर्ष लिएर प्रतिपक्ष दलका प्रमुख सचेतकहरू सभामुख कार्यकक्षमा हुँदै गरेको बैठकमा सहभागी हुन गएको बताए।