नेपाल आयाल निगमले एलपी ग्यास आयात उल्लेख्य रुपमा वृद्धि गरेको छ ।

निगमले निर्वाचनलाई मध्यनजर गरेर थप ग्यास आयात गरिरहेको जनाएको छ ।

यो वर्षको सबैभन्दा बढी ग्यास मंगलबार हिजो लोड भएको निगमका कार्यकारी निर्देशक चण्डिकाप्रसाद भट्टले जानकारी दिए ।

उनका अनुसार भारतीय आयल निगमबाट यसवर्षकै सबैभन्दा बढी ग्यास नेपाल तर्फ लोड भएको हो । निगमका अनुसार हिजो मात्रै बरौनी डिपोबाट ३६ बुलेट, मथुराबाट ३६, पारादीपबाट ४०, दुर्गापुरबाट २४ र हल्दियाबाट २ बुलेट गरी कुल १३८ बुलेट ग्यास लोड भएको छ ।

उक्त परिमाण करिब १ लाख ७३ हजार ८०० सिलिण्डर बराबर रहेको निगमले जनाएको छ ।

निर्वाचन अवधिमा पनि यसरी नै ग्यास नियमित आपूर्ति हुने उनले जानकारी दिए । केही समय अघि ग्यासको अभाव भएको भन्दै उपभोक्ताहरु लाम लागेर ग्यास लिने गरेका थिए । अहिले भने ग्यासको अभाव नरहेको र ग्यास सजिलै पाइरहेको निगमका कार्यकारी निर्देशक भट्टले बताए ।