बुधबार दिउँसो बञ्चरेडाँडाबाट पक्राउ परेका स्थानीयलाई प्रधानमन्त्री निवास बालुवाटारबाट बोलावट भएको छ।

बञ्चरेडाँडा संघर्ष समितिका संयोजक श्रीराम ढुंगानाका अनुसार प्रहरीले उनीहरुलाई प्रधानमन्त्री शेरबहादुर देउवाले छलफलका लागि बोलाएको भन्दै छाडेको हो।

संयोजक ढुंगानासहित ३ जनालाई प्रहरीले बुधबार दिउँसो पक्राउ गरेको थियो। पक्राउ परेका ढुंगाना, श्रीकृष्ण बजगाईँ र तपन उप्रेतीलाई ककनी प्रहरी चौकीमा राखिएको थियो।

‘प्रधानमन्त्रीकहाँ वार्ता गर्ने र तपाईंहरु त्यहाँ जानुपर्छ भनेर उहाँहरुले भन्नुभएको छ,’ उनले भने, ‘काठमाडौं बोलाइएको भएपनि कहाँ बस्ने र कसरी वार्ता हुने भन्नेबारे केही पनि जानकारी भएको छैन।’