अभिनेता अरुण बालीको शुक्रबार बिहान मुम्बईमा निधन भएको छ । उनी लामो समयदेखि बिरामी थिए । आज बिहान करिब ४ः३० बजे उनको निधन भएको परिवारले जनाएको छ ।

७९ वर्षीय अरुण बालीले ९० को दशकमा आफ्नो करियर सुरु गरेका थिए । उनले खलनायक, फूल और अंगारे, सबसे बडा खिलाडी, सत्य, लगे रहो मुन्ना भाइ, बर्फी, एयरलिफ्ट, रेडी जस्ता चलचित्रमा काम गरेका थिए । उनको पछिल्लो रिलिज फिल्म लाल सिंह चड्डा थियो। यसका साथै उनी धेरै चर्चित टिभी सिरियलमा पनि देखा परेका छन् ।

अरुण बालीका दुई छोरी अमेरिकामा रहेकाले भोलि भारत पुगेपछि उनको अन्तिम संस्कार शनिबार हुनेछ । अभिनेता अमिताभ बच्चनसँगको उनको फिल्म ‘गुडबाय’ आज रिलिज हुँदैछ । उनको निधनको खबर आएपछि सामाजिक सञ्जालमा धेरैले शोक व्यक्त गर्दै उनप्रति श्रद्धाञ्जली दिएका छन् ।