दाङमा बसको ठक्करबाट विद्यार्थीको मृत्यु भएको छ ।

मृत्यु हुनेमा तुलसीपुर–१७ का आठ वर्षीय उत्तम चौधरी छन् । उनको घटनास्थलमा नै मृत्यु भएको हो । चौधरी दुघरास स्कुलमा कक्षा ३ मा अध्ययनरत थिए ।

तुलसीपुरबाट घोराहीतर्फ जाँदै गरेको भे १ ख ३६९७ नम्बरको बसले सोमबार दिउँसो ठक्कर दिएको लुम्बिनी प्रदेश प्रमुख उमेशराज जोशीले जानकारी दिए ।

स्कुलबाट घर फर्किने क्रममा बसले ठक्कर दिएको थियो ।

विद्यार्थी, अभिभावक तथा स्थानीयले नाराबाजीसहित ठक्कर दिने गाडी तोडफोड गरेका छन् । इलाका प्रहरी कार्यालय तुलसीपुरको भ्यानमा समेत क्षति पुर्‍याएका छन् । घटनापछि अहिले घोराही–तुलसीपुर सडकखण्ड अवरुद्ध बनाएका छन् ।