आइसिसी टी-२० विश्वकपमा भारत लगातार दोस्रो खेलमा पराजित भएको छ। दुबईमा आइतबार भएको खेलमा भारतलाई न्युजिल्यान्डले ८ विकेटले पराजित गरेको हो।

पहिलो जित हात पार्ने क्रममा न्युजिल्याण्डले भारतले दिएको १११ रनको लक्ष्य १४.३ ओभर खेल्दै दुई विकेट गुमाएर पूरा गर्‍यो ।

जितपछि न्युजिल्याण्डले दुई अंक जोडेको छ । न्युजिल्याण्ड पहिलो खेलमाम भने पाकिस्तानसँग पराजित भएको थियो । भारत दुई हारपछि अंकविहीन छ ।

न्युजिल्याण्डको जितमा ओपनर डार्यल मिचेलले सर्वाधिक ४९ रन बनाए । अर्धशतकबाट एक रनले चुकेका उनले ३५ बल खेल्दै चार चौका र तीन छक्का प्रहार गरे ।

कप्तान केन विलियम्सले ३१ बल खेल्दै ३ चौका मद्दतमा अविजित ३३ रन बनाए । डेभोन कनवे दुई रनमा अविजित रहे । यस्तै मार्टिन गप्टिलले २० रन बनाए । भारतका लागि जसप्रित बुमराहले चार ओभरमा १९ रन खर्चेर दुई विकेट लिए ।

टस हारेर पहिले ब्याटिङ गरेको भारतले सात विकेट गुमाएर ११० रन बनाएको थियो । भारतका लागि रवीन्द्र जडेजाले अविजित २६ रन बनाउँदा हार्दिक पाण्ड्याले २३ रन जोडे ।

भारतलाई कम स्कोरमा रोक्न न्युजिल्याण्डका ट्रेन्ट बोल्टले चार ओभरमा २० रन खर्चेर तीन तथा ईश शोधीले चार ओभरमा १७ रन खर्चेर दुई विकेट लिए । टिम साउदी र एडम मिल्नेले समान एक/एक विकेट लिए ।

बलिङमा भारतका जसप्रित बुमराहले २ विकेट लिए।

त्यसअघि टस हारेर पहिले ब्याटिङ गरेको भारतले ७ विकेटको क्षतिमा ११० रन मात्र जोड्न सक्यो।

भारतका लागि रवीन्द्र जडेजाले नटआउट २६ रन जोडे। उनले १९ बल खेलेर २ चौका र १ छक्का प्रहार गरे।

हार्दिक पाण्ड्याले २४ बलमा २३ रन जोड्न सके। ओपनर केएल राहुल १८ रन र इशान किसन ४ रन जोडेर आउट भएका थिए।

रोहित शर्माले १४ रन र कप्तान विराट कोहलीले ९ रन भन्दा बढी जोड्न सकेनन्। रिशव पन्त पनि १२ रनमै आउट भएका थिए।

बलिङमा न्युजिल्यान्डका ट्रेन्ट बोल्टले ३ विकेट लिए। उनले ४ ओभरमा २० रन खर्चिए। इश सोधीले २ विकेट लिँदा टीम साउथी र एडम मिल्नेले १-१ विकेट हात पारे।

जारी विश्वकपमा भारत पहिलो खेलमा पाकिस्तानसँग १० विकेटले पराजित भएको थियो। हारसँगै भारतको सेमिफाइनल पुग्ने सम्भावना कठिन बनेको छ।

यता पहिलो खेलमा पाकिस्तानसँग पराजित भएको न्युजिल्यान्डको भने यो पहिलो जित हो। जितले न्युजिल्यान्डको सेमिफाइनल यात्रा केही सहज भएको छ।

अब सुपर १२ को समूह -२ मा न्युजिल्यान्ड र भारत दुवैले अफगानिस्तान, स्कटल्यान्ड र नामिबियासँग खेल्न बाँकी छ।

यो समूहमा पाकिस्तान लगातार ३ जितसहित ६ अंक जोडेर शीर्ष स्थानमा छ। दोस्रो स्थानको अफगानिस्तानको ४ अंक छ भने तेस्रो स्थानको न्युजिल्यान्ड र चौथो स्थानको नामिबियाको २-२ अंक छ। भारत र स्कटल्यान्डले अंक जोड्न सकेका छैनन्।

प्रतिक्रिया

सम्बन्धित खवर

ताजा समाचार

लोकप्रिय