क्रोएसियाले विश्वकप फुटबलको इतिहासमा दोस्रो पटक तेस्रो स्थान हात पार्न सफल भएको छ । गत विश्वकपमा उपविजेता बनेको क्रोएसियाले मोरक्कोलाई २–१ गोलले हराउँदै तेस्रो स्थानमा कब्जा जमाएको हो ।

खलिफा रंगशालामा सम्पन्न तेस्रो स्थानको प्लेअफमा मोरक्कोलाई हराएसँगै साविक उपविजेता क्रोएसियाले विश्वकप २०२२ का कास्य पदक जितेको हो ।

क्रोएसियालाई जित दिलाउन जोस्को भार्डियोल र मिस्लाभ ओर्सिचले गोल गरे । मोरक्कोका असरर्फ दारीले एक गोल गरे ।

खेलको सातौं मिनेटमा भार्डियोलले गोल गर्दै क्रोएसियालाई सुरुआती अग्रता दिलाएका थिए । त्यसको दुई मिनेट नबित्दै मोरक्कोका दारीले बराबरी गोल फर्काए ।

पहिलो हाफ सकिन तीन मिनेट बाँकी रहँदा ओर्सिचले गोल गर्दै क्रोएसियाको अग्रता २–१ बनाएका थिए । सोहि अग्रतालाई खेलको अन्त्यसम्म कायम राख्दै क्रोएसियाले सानदार जित निकाल्यो ।

क्रोएसिया सेमिफाइनलमा अर्जेन्टिनासँग ३–० गोलको नतिजमा पराजित भएको थियो । मोरक्को भने, साविक विजेता फ्रान्ससँग २–० गोलको नतिजमा पराजित हुँदै तेस्रो स्थानका लागि क्रोएसियासँगको भेट पक्का गरेको थियो ।

सन् १९८६ मा अन्तिम १६ सम्म पुगेको मोरक्कोले जारि विश्वकपमा पहिलो पटक सेमिफाइनल पुग्ने पहिलो अफ्रिकन राष्ट्र बनेर इतिहास रचेको थियो । सन् २०१८ मा दास्रो भएको क्रोएसियाले त्यसअघि समूह चरण पार गर्न सकेको थिएन ।