१४ सांसदविरुद्ध नेकपा एमालेले दायर गरेको रिटमाथि आज सुनुवाइ हुने भएको छ। एकीकृत समाजवादीका अध्यक्ष माधवकुमार नेपालसहित १४ जना सांसदलाई संसदबाट हटाउनु पर्ने माग राख्दै एमाले अध्यक्ष केपी शर्मा ओलीले रिट दायर गरेका थिए।

एमालेबाट अलग हुनुअघि नेपालसहितका १४ सांसदलाई दलबाट कारवाही गरेको तर सभामुख अग्निप्रसाद सापकोटाले कारवाहीको सूचना जारी नगरेको भन्दै ओलीले सर्वोच्च अदालतमा रिट दर्ता गरेका थिए।