मुगु बस दुर्घटनामा २२ पुरुष र १० महिला सहित मृत्यु हुनेको संख्या ३२ पुगेको छ । छायानाथ रारा नगरपालिका–७ पिनाटपाने खोलामा भएको बस दुर्घटनामा चालकसहित मृतकको संख्या ३२ पुगेको कर्णाली प्रदेश प्रहरी कार्यालयका प्रहरी निरीक्षक जीवन लामिछानेले जानकारी दिए। कर्णाली प्रदेश प्रहरी कार्यालयका अनुसार घटनास्थलमा २४ जनाको घटनास्थलमै मृत्यु भएको हो। २ जनाको घटनास्थलबाट उद्दार गरेर विमानस्थलमा लैजाने क्रममा तथा २ जनाको विमानस्थल पुर्‍याइएपछि मृत्यु भएको हो। यस्तै, ४ जनाको उपचारका लागि नेपालगञ्ज नर्सिङ होममा पुर्‍याएपछि मृत्यु भएको हो।

घाइतेमध्ये १ बालकसहित १३ जनाको जिल्ला अस्पताल गमगढीमा उपचार भइरहेको छ। मृतक, घाइते र गाडीबाट हाम फालेर वा ओर्लिएर बचेकाहरूको संख्या हेर्ने हो भने गाडीमा ४९ जना सवार रहेको देखिएको छ, यद्यपि घटनास्थलको भिरमा प्रहरीले मानिसको खोजी गरिरहेको छ।

बसमा सवार ४५ जनामा मध्ये १३ जना घाइते रहेका छन् । दुर्घटनामा घाइते भएका १० जनाको नर्सिङहोम नेपालगंजमा, २ जनाको मेडिकल कलेज कोहलपुरमा र १ जनाको जिल्ला अस्पतालमा उपचार भइरहेको छ ।

मृतकमध्ये चालकको पहिचान खुलेको उनले बताए । मृतक चालक दाबहादुर रावलको पहिचान खुलेको उनले बताए । मृतकहरु मध्ये अधिकाशं रारा नगरपालिकाकै रहेको उनले बताए ।

दशैंका लागि घर फर्किने यात्रुहरु बोकेर नेपालगञ्जबाट मुगुको सदरमुकाम गमगढी जाँदै गरेको भे १ ख ३१६७ नम्बरको बस  चढेको छायाँनाथ रारा नगरपालिकाको–७ र ८ को बीचमा पर्ने झ्यारी खोलामा दुर्घटना भएको हो।

जिल्ला प्रहरी कार्यालयका अनुसार बसमा ४५ जना सवार थिए। अन्य सबै यात्रु घाइते रहेका प्रहरीले जानकारी दिएको छ।

 

प्रतिक्रिया

सम्बन्धित खवर

ताजा समाचार

लोकप्रिय