राज्य व्यवस्था समिति सभापति रामहरि खतिवडाले नागरिकलाई जबरजस्ती सडकमा उभ्याउन नपाउने बताएका छन । प्रतिनिधि सभाको राज्य व्यवस्था तथा सुशासन समितिका सभापति रामहरि खतिवडाले ट्राफिक नियम उल्लंघन गरेकै आधारमा नागरिकलाई सडकमा परिचालन गर्न नमिल्ने बताए।

बिहीबार सिंहदरबारमा पत्रकारहरूसँग कुराकानी गर्दै खतिवडाले गृहमन्त्रीप्रति लक्षित गर्दै ‘सनकका भरमा जे पायो त्यही निर्णय गर्न नहुने’ बताए।कानुनी राज्यको परिकल्पना गरेका छौं। तर कानुनी राज्य भनेको कसैको सनकका भरमा जतिखेर जे पायो त्यही निर्णय गर्ने होइन,’ खतिवडाले भने, ‘अहिले सडकमा केही मान्छेहरूलाई उपप्रधान तथा मन्त्रीको निर्देशनमा सडकमा उभ्याउने गरिएको छ, यो सरासर गलत छ।’