धरान गल्फ क्लब (डिजिसी) चेयरम्यान एमेच्योर गल्फ प्रतियोगिताको उपाधि सिद्धान्त सापकोटाले जितेका छन। सिद्धान्त नेटतर्फ पहिलो भएका हुन। नेटतर्फ देउराज राई दोस्रो र लियानबहादुर लिम्बु तेस्रो भए ।

धरान गल्फ क्लबमा गत शनिवार सम्पन्न प्रतियोगिताको ग्रसतर्फ सुमन परियारले उपाधि जिते। सिनियरमा देवेन्द्र गुरुङ पहिलो भए।

रत्न थापाले मोस्ट बर्डीज, क्लोज टु द पिनको उपाधि जित कुमार लिम्बु र लङ्गेस्ट ड्राइभको उपाधि श्याम लिम्बुले जिते। त्यस्तै, ईन्द्रदेउ राईले बोगी प्राईज हात पारे।

प्रतियोगितामा कूल ४० गल्फ खेलाडीले भाग लिएका थिए । विजयी खेलाडीहरुलाई धरान गल्फ क्लबका अध्यक्ष हरिबहादुर राईले पुरस्कार वितरण गरे।