Khabar Samachar

धारा ७६ (२) बाटै ओली नेतृत्वमा सरकार बन्छ – एमाले

202
VIEWS

नेकपा एमालेले संविधानको धारा ७२ (२) बमोजिम नै बन्ने केपी शर्मा ओलीको नेतृत्वमा सरकार बन्ने दाबी गरेको छ ।

आइतबार नयाँ बानेश्वरस्थित ल्होत्से हलमा बसेको संसदीय दलको बैठकले सर्वोच्च अदालतका नजिर, राजनीतिक, संवैधानिक र व्यवहारिक लगायत सबै कारणहरूबाट धारा ७६ (२) बमोजिम नै सरकार बन्ने स्पष्ट पारेको हो।

‘सर्वोच्च अदालतका नजिरहरू, संवैधानिक र राजनीतिक सबै कारणहरूले ७६ (२) अनुसार नै सरकार बन्छ,’ बर्तौलाले भने, ‘दुई ठूला दलहरू कांग्रेस र एमाले मिलेर राष्ट्रिय सरकार बनानउने भनिसकेपछि त्यो आधारबाट पनि हामी ७६ (२) अनुसार अगाडि बढ्न सक्छौँ ।’

प्रमुख सचेतक बर्तौलाले उक्त धाराअन्तर्गत सरकार बन्ने आधारहरू गण्डकी प्रदेश र कोशी प्रदेशका सरकारहरूलाई देखाएका छन् ।

‘अहिले गण्डकी प्रदेशको सरकार १६८ (२) बमोजिमको सरकार हो । पहिला खगराज अधिकारी नेतृत्वको सरकार १६८ (२) बमोजिमको थियो, अहिलेको सरकार पनि १६८ (२) कै छ,’ उनले भने, ‘कोशीमा १६८ (५) बमोजिम भयो । पछाडि अहिले त्यही धाराबमोजिमको सरकार बन्ने कुराको निरन्तरता रह्यो । सर्वोच्च अदालतबाट प्रतिपादित सिद्धान्तका आधारमा मैले यो भनेँ ।’

कांग्रेस ठूलो दल छ भन्ने आधारबाट ७६ (३) को सरकार बन्ने भनेर गरिएको ब्याख्यालाई उनले केवल भम छर्न गरिएको प्रयासमात्रै भनेका छन् ।

‘धारा ७६ (३) बमोजिम बन्छ भन्नु संविधानलाई भ्रमपूर्ण ब्याख्या गर्न खोजिएको विषय हो । नेपालको संविधानको धारा ७६ (२) बमोजिम बनाउन कांग्रेस र एमाले एउटा समझदारी बनाएर जाँदैछौँ भनेको अवस्थामा मुलुकलाई अस्थिरतातर्फ लैजान सकिन्छ कि भन्ने प्रयत्नबाट अर्को तर्क आएको छ,’ उनले भने, ‘त्योभन्दा बाहिर अरु कुनै पनि हिसाबले होइन । अन्य विषय भनेको केवल भ्रम छर्न खोजिएको मात्रै हो ।’

यो खबर पढेर तपाईलाई कस्तो महसुस भयो ?
Array
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित