सर्वोच्च अदालतले प्रहरी अतिरिक्त महानिरीक्षक (एआइजी)मा बढुवा सिफारिस भएर पनि प्रहरी नायब महानिरीक्षक (डिआइजी) मै अवकासमा गएका पोषराज पोखरेलको रिट दर्ता गर्न आदेश दिएको छ।

एआईजी बढुवामा सिफारिस हुँदा समेत नियुक्ति नदिएका कारण डीआईजीबाटै अवकाश भएको भन्दै पोखरेलले ६ साउनमा सर्वोच्च अदालत रिट निवेदन पेश गरेका थिए । तर सर्वोच्च अदालत प्रशासनले उनको रिट दरपिठ (दर्ता गर्न अस्वीकार) गरेको थियो ।

सिफारिस अनुसार बढुवा भएको भए उनी २० र २१ असारमा दुई दिनका लागि एआईजी हुने थिए । तर यही बीचमा सत्ता साझेदार प्रमुख घटक एमालेले समर्थन फिर्ता लिएपछि मन्त्रिपरिषद् बैठकले पोखरेलको एआईजी बढुवामा कुनै निर्णय गरेन । त्यही कारण पोखरेल १९ असारदेखि अनिवार्य अवकाशमा गए ।