मेलम्ची खानेपानी आयोजनाको मुख्य पाइप फुट्दा काठमाडौं जिल्ला अदालतमा भल पसेको छ।​

बबरमहलस्थित अदालत भवन जलमग्न भएपछि चार वटा इजलास अनिश्चितकालका लागि स्थगित गरिएको छ।

पाइप फुटेपछि अदालत परिसरमा पानी भरिएर न्यायिक कार्यसम्पादन प्रभावित भएको अदालतले जनाएको छ ।

‘मेलम्ची खानेपानीको पाइप फुटी यस अदालतको दोस्रो भवनमा पानी पसी सो भवनको भुइँ तलामा रहेको २६, २७, २८ र २९ नम्बर फाँटमा क्षति पुगेकाले सो फाँटहरूबाट प्रवाह हुने सेवा, सो फाँटको पेशी तथा २६, २७, २८ र २९ इजलास अर्को सूचना प्रकाशित नहुन्जेलसम्मको लागि सञ्चालन नहुने बेहोरा सरोकारवाला सबैमा जानकारीका लागि यो सूचना जारी गरिएको छ,’ काठमाडौं जिल्ला अदालतद्वारा जारी सूचनामा भनिएको छ ।