थाइल्यान्डको संवैधानिक अदालतले प्रधानमन्त्री पेतोङतार्न सिनावात्रालाई पदबाट हटाएको छ। २००८ यता यो अदालतले बर्खास्त गरेको उनी पाँचौँ प्रधानमन्त्री हुन्।

राजाको इसारामा चल्ने सेना र अदालतको हस्तक्षेपबाट आक्रान्त थाइल्यान्डमा फेरि अनिश्चितताको अवधि सुरु हुने त्रास पैदा भएको छ।

कम्बोडियाका प्रधानमन्त्री हुन सेनसँग टेलिफोन संवाद सार्वजनिक भएपछि सिनावात्रा विवादमा परेकी थिइन्। सो संवादमा उनले हुन सेनलाई ‘अंकल’ भनेर सम्बोधन गर्नुका साथै थाइ सेनाको आलोचना पनि गरेकी थिइन्।