भक्तपुरको गठ्ठाघरमा चितुवाको आक्रमणबाट दुई घाइते भएका छन्। घाइते हुनेमा ६५ वर्षीया अमृता पौडेल र ३३ वर्षीया संगिता आलेमगर छन्।

उनीहरुको उपचार भइरहेको भक्तपुर प्रहरीले जनाएको छ। प्रहरीका अनुसार शुक्रबार बिहानै गठ्ठाघरस्थित प्रविन पेट्रोल पम्प पछाडि दुई वटा घरको चेपमा बसिरहेको अवस्थामा चितुवा देखिएको थियो।

प्रहरीका अनुसार चितुवालाई नियन्त्रणमा लिइएकाे छ । चितुवालाई डिभिजन वन कार्यालयले डार्ट प्रयोग गरी नियन्त्रणमा लिइएको हाे ।