नेपालले भारतीय ब्रान्ड एमडिएच र एभरेस्टका चार प्रकारका मसला आयातमा रोक लगाएको छ।

हङकङ र सिंगापुरले ती मसलामा हानिकारक ‘एथलिन अक्साइड’ रहेको भन्दै आयातमा रोक लगाएको खबर बाहिरिएपछि नेपालमा समेत रोक लगाइएको हो। ‘एथलिन अक्साइड’ ले मानिसमा क्यान्सर गराउन सक्ने मानिन्छ।

खाद्य प्रविधि तथा गुण नियन्त्रण विभागले एमडिएचको मद्रास करी पाउडर, साम्बर मसला मिक्स्ड मसला पाउडर, करी पाउडर मिक्स्ड मसला र एभरेस्ट ब्रान्डको फिस करी मसलाको आयात र बिक्री-वितरणमा रोक लगाउने निर्णय गरेको हो।