पेरिस ओलम्पिकको महिला म्याराथनमा नेपालकी सन्तोषी श्रेष्ठले ७९ औँ स्थान हात पारेकी छन् । सन्तोषीले २ घण्टा ५५ मिनेट ६ सेकेन्ड समय निकालेकी हुन् । उनी आफ्नो व्यक्तिगत प्रदर्शनसमेत सुधार्न असफल भइन् ।

राष्ट्रिय कीर्तिमान बनाउने लक्ष्य राखेपनि सन्तोषी त्यसमा सफल भइनन् । उनले जनवरीमा ढाकामा भएको बंगबन्धु म्याराथनमा २ घण्टा ४६ मिनेट २२ सेकेन्डको कीर्तिमानी समयमा स्वर्ण जितेकी थिइन् ।

सन्तोषीले बंगबन्धु म्याराथन २ घण्टा ४६ मिनेट २३ सेकेन्डमा पूरा गरेकी थिइन् । ९१ जना खेलाडीले प्रतिस्पर्धा गरेका थिए ।