साता कारोबारको अन्तिम दिन बिहीबार सेयर बजारमा २९ अर्ब ९५ करोड रुपैयाँ बराबरको कारोबार भएको छ ।

यो कारोबार रकम हालसम्मकै उच्च हो । यसअघि सोमबार कारोबार रकमले २७ अर्ब २४ करोडको उच्च रेकर्ड बनाएको थियो ।

योसँगै परिसूचक ऐतिहासिक विन्दुनजिक पुगेको छ। यसअघि ०७८ साउन १० मा ३००० टेकेको नेप्सेले सोही वर्ष भदौ ३ मा ३२२६ विन्दुमा पुगेर कीर्तिमान बनाएको थियो। त्यसयता सूचक उकालो चढ्न सकेको छैन।

तर यसपटक कारोबारमा उत्साह फर्किँदा सूचकले पनि नयाँ ऐतिहासिक विन्दु छुनसक्ने देखिएको छ। कारोबार रकमले भने पटक पटक कीर्तिमान बनाइरहेको छ।