नेपाली कांग्रेसका सभापति शेरबहादुर देउवाले सरकारको कामप्रति कांग्रेस सन्तुष्ट रहेको बताएका छन्।
न्युज एजेन्सी नेपालसँग कुरा गर्दै सभापति देउवाले हनिमुन डेजमा सरकारले राम्रो काम गरेको जिकिर गरे।
विपद् व्यवस्थापन र राहत, उद्धारमा सरकारले कामै गरेन भनेर भ्रम फैल्याइएको बताउँदै उनले राहत तथा खोजी उद्धारमा सरकारले आफ्नो हिसावले सुरक्षाकर्मीहरु तैनाथ गरी व्यवस्थापन गरेको बताए।
‘अब मलाई त राम्रो लाग्छ, धेरै कुराले गर्दा राम्रो छ। सय दिनलाई मैले त राम्रो मानेको छु,’ न्युज एजेन्सी नेपालसँग कुराकानी गर्दै सभापति देउवाले भने, ‘सय दिनलाई हनिमुन डेज भन्छन्, १०० दिनमा ओलीजीले राम्रो काम गरेका छन्।’
‘मलाई त राम्रो लाग्छ, धेरै कुराले गर्दा राम्रो छ। सय दिनलाई मैले त राम्रो मानेको छु। सय दिनलाई हनिमुन डेज भन्छन् नि। राम्रो काम गरेको छ। राम्रो काम गरिरहेको छ, के भएको छ त? गति पनि लिएको छ। बाढी पहिरोमा सरकारले राम्रो उद्धार र खोजी गरेको छ। मान्छे पठाउनुभएको हो, गरेको हो। हेलिकप्टरबाट पनि उद्धार गरेको हो,’ देउवाले भने।
‘दुई वर्ष उहाँले चलाउने भनेको हो, डेढ वर्ष मलाई भनेको हो। कसले भन्यो कांग्रेस असन्तुष्ट छ भनेर?,’ सभापति देउवाले भने, ‘सानातिना समस्या एउटै पार्टीभित्र त हुन्छ भने त्यो अर्को पार्टी हो, त्यस्तो केही छैन।’
Discussion about this post