काठमाडौंको शंखरापुरमा बुधबार दिउँसो कारको ठक्करबाट गम्भीर घाइते भएका मोटरसाइकल चालकको उपचार क्रममा मृत्यु भएको छ।

बा.प्र-०२-०१८ प ६८७५ नम्बरको मोटरसाइकल चालक नारायण नगरकोटीको साँझ मृत्यु भएको जिल्ला प्रहरी परिसर काठमाडौंका एसपी नवराज अधिकारीले जानकारी दिए।

कागेश्वरी मनोहरा-२ आलापोट बस्ने ३८ वर्षीय नगरकोटीको ग्रान्डी अस्पतालमा उपचार भइरहेको थियो।

सिन्धुपाल्चोक घर भई जोरपाटीमा झाँक्री काम गर्दै आएका प्रकाश भुजेलले चलाएको बा१९च २६९५ नम्बरको कारले उक्त मोटरसाइकललाई ठक्कर दिएको थियो।