सूर्य नेपाल गल्फ टुरको नयाँ सिजनमा आठवटा प्रतियोगिता हुने भएको छ । टुरअन्तर्गत सेन्ट्रल ओपन टुर्नामेन्ट सोमबारदेखि सुरू हुने भएको छ ।

गोकर्ण गल्फ क्लबमा हुने प्रतियोगितामा ३३ जना व्यवसायिक गल्फरको सहभागिता हुने आयोजकले आइतबार पत्रकार सम्मेलन गरी जनाएको हो ।

सेन्ट्रल ओपन ७२ होलमा खेलाइनेछ । यस प्रतियोगिताको कुल पुरस्कार राशि ८ लाख ८२ हजार रुपैयाँ रहेको छ भने च्याम्पियनले १ लाख ५० हजार रुपैयाँ प्राप्त गर्ने छन् । त्यसैगरी उपविजेताले १ लाख तथा तृतीय हुनेले ७५ हजार रुपैयाँ प्राप्त गर्ने छन् ।

गल्फ टुरका अन्य प्रतियोगितामा काठमाडौं ‌ओपन, इस्टर्न ओपन, वेस्टर्न ओपन, सूर्य नेपाल च्यालेन्ज, एनपीजीए टुर च्याम्पियनसीप म्याच प्ले र प्रिमियर गल्फ च्याम्पियनसीप छन् ।