मध्यमस्तरीय कर कार्यालयले ५० करोडदेखि १ अर्बसम्म वार्षिक कारोबार गर्ने कम्पनीलाई कर मिनाहाको व्यवस्था गरेको छ।

कार्यालयका अनुसार गत चैत मसान्तसम्मको बुझाउनुपर्ने भ्याट विवरण र कर नबुझाएको भए बुझाउन बाँकी कर विवरण, सो विवरणबमोजिमको कर र ब्याजको ५० प्रतिशत रकम बुझाएमा बाँकी रकम मिनाहा हुनेछ।

त्यस्तै गत चैत मसान्तसम्म बझाउनुपर्ने भ्याट विवरण बुझाई कर दाखिला गर्न बाँकी रहेको भएमा बक्यौता कर र ब्याजको ५० प्रतिशत रकम पुस मसान्तसम्ममा बुझाएमा मूल्यअभिवृद्धि कर ऐनबमोजिम लाग्ने दस्तुर र बाँकी ब्याज मिनाहा हुने कर कार्यालयले बताएको हो।