Khabar Samachar

नेपालका प्रथम गभर्नर हिमालय समशेर जबराको निधन

205
VIEWS

नेपाल राष्ट्र बैंकको पहिलो गभर्नर हिमालय समशेर जबराको ९५ वर्षको उमेरमा आज(आइतबार) बिहान निधन भएको छ ।
उहाँ विगत ५ वर्षदेखि पार्किन्सन्सको समस्याबाट पीडित हुनुहुन्थ्यो । उहाँको केही साताअघिदेखि काठमाण्डौको थापाथलीस्थित यस नर्भिक इन्टरनेशनल हस्पिटलमा उपचार जारी राखिएको थियो ।
जबरा सन् १९२८ मा स्वस्थानी पूर्णिमाका दिन जन्मिनु भएको थियो । ‘आज स्वस्थानी पूर्णिमाकै दिन बुवाको निधन भएको छ’, छोरी संगीता थापाले आफ्नो फेसबुक पेजमा लेख्नुभएको छ ।
स्वर्गीय राणा नेपाल सरकारको सचिव हुँदै नेपाल राष्ट्र बैंकको पहिलो गभर्नर बन्नुभएको थियो । राजा महेन्द्रले राष्ट्र बैकको स्थापना गरेर गभर्नरको नियुक्ती दिँदा उहाँको उमेर मात्र २९ वर्ष थियो । उहाँ हिमालयन बैंकको संस्थापक पनि हुनुहुन्थ्यो ।
उहाँले ९५ वर्षको उमेरमा समेत २ वटा किताब प्रकाशनको तयारी गरिरहनु भएको थियो ।
स्वर्गीय राणाका २ छोरा र २ छोरी हुनुहुन्छ ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित