काठमाडौं । काठमाडौं महानगरपालिकाको कोर एरियामा स्वतन्त्र उम्मेदवार सुमन सायमीको प्रभाव देखिएको छ । वडा नम्बर २५ को प्रारम्भिक मतगणनामा उनी पहिलो स्थानमा रहेका केशव स्थापितसँग प्रतिस्पर्धामा छन् ।

हालसम्म ९०० भोटको गणना सकिएको छ । सबैभन्दा अगाडि रहेका स्थापितले २११ भोट ल्याउँदा सायमी दुई भोट मात्र पछाडि छन् । उनको चुनाव चिन्ह आँखीझ्यालमा २०९ भोट आएको छ ।

तेस्रो स्थानमा अर्का स्वतन्त्र उम्मेदवार बालेन शाह छन् । उनको चुनाव चिन्ह लौरोलाई १४४ भोट आएको छ भने कांग्रेसको रुखले ११५ भोट पाएको छ ।