साफ च्याम्पियनसीपको उपाधि बंगलादेशलाई, बंगलादेशसँग नेपाल ३–१ ले पराजित

204
VIEWS

 

घरेलु टोली नेपाललाई पराजित गर्दै साफ महिला च्याम्पियनसिपको उपाधि बगंलादेशले उचालेको छ।आज भएको प्रतिस्पर्धात्मक फाइनलमा बंगलादेशले नेपाललाई ३-१ को गोल अन्तरले हराउँदै उपाधिमा कब्जा जमायो ।

सुरुदेखि रोमाञ्चक बनेको खेलमा नेपालले गोलका थुप्रै सुन्दर अवसरहरु सिर्जना गरे पनि फिनिसिङमा चुक्यो । नेपाली खेलाडीहरु मैदानमा निकै अठोटका साथ भिडेका थिए । तर, भाग्यले पनि नेपाललाई साथ दिएन । एकपटक गोललाइनमै पुगेको बल पनि गोलमा परिणत भएन ।

खेलको १३ औं मिनेटमा बंगलादेशले अग्रता लिएको थियो । बंगलादेशकी सामसुननहरले निकै आकर्षक गोल गर्दै नेपाली समर्थकलाई स्तब्ध पारिन् । यस्तै खेलको ४२ औं मिनेटमा श्रीमोती सरकारले दोस्रो गोल गरिन् ।

नेपालका लागि अनिता बस्नेतले उत्कृष्ट प्रदर्शन गरेकी थिइन् । उनले उत्तरार्द्धमा एक गोल गरेपछि नेपाल खेलमा फर्किएको थियो । तर, बंगलादेशकी श्रीमोतीले दोस्रो व्यक्तिगत गोल गर्दै नेपाली समर्थकको आशामा पानी खन्याइदिइन् ।

खेलको पहिलो आफ प्रतिस्पर्धात्मक थियो भने दोस्रो हाफमा नेपालले बंगलादेशलाई निरन्तर दबाबमा राखेको थियो । तर, बंगलादेशको रक्षपंक्ति र गोलरक्षकको बलियो पर्खाल नेपालले तोड्न सकेन ।

नेपालले मध्यान्तरपछि आफ्नो गोलमेसिन सावित्रा भण्डारीलाई मैदानमा पठाएको थियो । तर, उनले पनि आज कुनै चमत्कार गर्न सकिनन् । उनले केही मौका पाए पनि त्यसको सदुपयोग गर्न चुकिन् । बंगलादेशको जीतसँगै साफ च्याम्पियनसीपले नयाँ विजेता पाएको छ ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित