श्रीलंकाली क्रिकेटर दानुष्का गुणातिलके क्रिकेटका सबै प्रकारबाट निलम्बित

209
VIEWS

श्रीलंका क्रिकेट बोर्डले दनुष्का गुणातिलकेलाई तत्काल प्रभावबाट आउने गरी सबै प्रकारका क्रिकेटबाट निलम्बन गर्ने निर्णय गरेको छ ।​ अष्ट्रेलियाको सिड्नीमा एक महिलालाई यौन दुर्व्यवहार गरेको आरोपमा दानुष्का गुणातिलके पक्राउ परेका छन् ।

समितिले यी आरोपपछि उनको नाम क्रिकेटको कुनै पनि फर्म्याटमा छनोटका लागि विचार नगर्ने जनाएको छ । बोर्डले उक्त कथित अपराधको तत्काल छानबिन गर्न आवश्यक कदम चाल्ने र बोर्डको अदालतको निर्णयमा खेलाडी दोषी पाइएमा कारबाहीका लागि कदम चाल्ने जनाएको छ ।

श्रीलंका क्रिकेट बोर्डले यस्तो आचरणको लागि ‘शून्य सहनशीलता’ नीति अपनाउने र घटनाको निष्पक्ष छानबिन गर्न अष्ट्रेलियाली कानुन प्रवर्तन अधिकारीलाई आवश्यक सबै सहयोग उपलब्ध गराउने स्पष्ट पारेको छ ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित