भारत भ्रमणमा रहेका प्रधानमन्त्री शेरबहादुर देउवा उत्तर प्रदेशको धार्मिकस्थल बनारस पुगेका छन् । आइतबार बिहान विशेष विमानबाट प्रधानमन्त्री देउवा बनारस पुगेका हुन् । प्रधानमन्त्री देउवालाई उत्तर प्रदेशका मुख्यमन्त्री योगी आदित्यनाथले गुलाबको फूल दिएर स्वागत गरेका थिए । बनारसमा देउवाले काशी विश्वनाथको मन्दिर दर्शन गर्नेछन् । साथै प्रधानमन्त्री देउवाले यहाँस्थित समराजेश्वर पशुपतिनाथ महादेव तथा कालभैरव मन्दिरमा पुगेर पूजा अर्चना गर्नका साथै ललिताघाटमा निर्माण गरिने वृद्धाश्रमको शिलान्यास गर्ने कार्यक्रम रहेको छ ।

प्रधानमन्त्री देउवाले बनरसमा रहेका धार्मिक स्थानहरूको भ्रमण गर्ने र त्यहाँ रहेका मन्दिरमा पुजाआजा गर्ने कार्यक्रम छ। देउवा आइतबार नै बनरासबाट नेपाल फर्कनेछन्।