पिएनजीलाई ५० रनले हराउँदै नेपाल त्रिकोणात्मक टी-२० शृंखलाको च्याम्पियन

72
SHARES
238
VIEWS

सन्दीप लामिछानेको कप्तानीमा नेपाली राष्ट्रिय टोलीले घरेलु मैदानमा भएको त्रिकोणात्मक टी–ट्वान्टी क्रिकेट सिरिजको उपाधि जितेको छ । सोमबार भएको फाइनल खेलमा नेपालले पपुवा न्युगिनी (पीएनजी)लाई ५० रनले हराउँदै उपाधि आफ्नो पक्षमा पारेको हो ।त्रिवि क्रिकेट मैदानमा नेपालले दिएको १६९ रनको लक्ष्य पीएनजीले १६ ओभर १ बलमा सम्पूर्ण विकेट गुमाउँदै ११८ रन बनायो । ​ पीएनजीका लागि लागि सेसे बाउले अर्धशतकीय पारी खेले । ३८ बल खेलेका उनले १ चौका र ६ छक्का प्रहार गर्दै ५९ रन बनाए ।यसअघि नेपालले तेस्रो ओभरको पाँचौँ बलमा पहिलो सफलता हात पार्यो । पीएनजीका लेगा सिकालाई करण केसीले ८ रनमा क्याच आउट गराए । त्यसपछि नेपालका लागि दीपेन्द्रसिंह ऐरीले पाँचौँ ओभरको तेस्रो र चौथो बलमा लगातार दुई सफलता दिलाए ।तेस्रो बलमा दीपेन्द्रले असाड भाललाई ८ रनमा एलबीडब्लू आउट गराए । चौथो बलमा टोनी उरालाई खाता नखोल्दै क्याच आउट गराए । ​पीएनजीले १२औँ ओभरको तेस्रो र चौथो बलमा आफ्नो दुई विकेट गुमायो । नेपालका कप्तान सन्दीप लामिछानेले उरिले हेकुरेलाई ६ रन र नोरमान भानुवानलाई खाता खोल्न नपाउँदै क्याच आउट गराए । त्यस्तै नेपालका लागि करण केसीले १६ औँ ओभरको दोस्रो र अन्तिम बलमा दुई विकेट लिए । १७औँ ओभरको पहिलो बलमा रन आउट हुँदा नेपालले उपाधि जित्यो ।

त्यसअघि कीर्तिपुरस्थित त्रिवि क्रिकेट मैदानमा पीएनजीले टस जितेर फिल्डिङ रोजेपछि ब्याटिङ गरेको नेपालले निर्धारित २० ओभरमा ७ विकेट गुमाएर १ सय ६८ रनको मध्यम योगफल तयार पारेको थियो।पहिलो विकेटका लागि ओपनर कुशल भुर्तेल र आशिफ शेखले ४.४ ओभरमा ३७ रनको साझेदारी गर्दै मध्यम सुरुवात दिलाएका थिए। ओपनर कुशल २५ आशिफ २९ रनमा क्याच आउट हुँदै पवेलियन फर्के।

११ औँ ओभरमा लगातार ३ विकेट गुमेपछि दबाबमा आएको थियो। टोलीका लागि अलराउण्डर दिपेन्द्र सिंह ऐरी र आदिल अन्सारीले छैटौँ विकेटका लागि ३२ रनको साझेदारी गर्दै इनिङस् उकासेका थिए।

आदिलले १५ रन थपे। आदिलले १३ बलमा १ चौका र १ छक्का हाने।

सातौँ विकेटका लागि ऐरी र करण केसीले ५४ रनको रनको साझेदारी गरे। ऐरी ५४ र केसी ३३ रनमा नटआउट रहे। ऐरीले टि २० आई क्रिकेटमा पाँचौ अर्धशतक पुरा गरे।

ऐरीले ३८ बलमा ५ चौका हाने। ऐरीले १२ बलमा १ छक्का हाने। रोहित पौडेल २ तथा आरिफ शेख र दिलिप नाथ शुन्य रनमा आउट भए।

यो खबर पढेर तपाईलाई कस्तो महसुस भयो ?
शेयर गर्नुहोस:
Share on facebook
Share on twitter
Share on linkedin
Share on whatsapp
Share on pinterest
Share on telegram
Share on email
Share on pinterest
Share on reddit
Share on skype
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित