आईसीसी टी-२० विश्वकपमा अस्ट्रेलिया र इंग्ल्याण्डले  विजयी सुरूवात गरेको छ ।

दुबईमा शनिबार राति भएको खेलमा साविक उपविजेता इंग्ल्याण्डले साविक विजेता वेस्ट इन्डिजलाई ६ विकेटले पराजित गरेको हो ।

इंग्ल्यान्डले टी-२० विश्वकपमा पहिलो पटक वेस्ट इन्डिजलाई हराएको हो । वेस्ट इन्डिजले दिएको ५६ रनको सामान्य लक्ष्य इंग्ल्यान्डले ८.२ ओभरमा चार विकेट गुमाएर पूरा गर्‍यो ।

इंग्ल्यान्डको लागि ओपनर जोस बट्लरले अविजित रहँदै २४ रन बनाए । कप्तान इयान मोर्गन सात रनमा अविजित रहे ।

जासन रोय ११, जोनी बेयर्सटोले नौ, मोइन अली तीन र लियाम लिभिङस्टोन एक रन बनाएर आउट भए । वेस्ट इन्डिजका अकिल होसेनले २ तथा रभी रामपालले एक विकेट लिए ।

दुबईमा टस हारेर पहिले ब्याटिङ गरेको वेष्ट इन्डिज इंग्लिस बलर सामु टिक्न सकेन र १४.२ ओभरमै ५५ रनमा अलआउट भएको थियो ।

वेष्ट इन्डिजमा लागि क्रिस गेलले १३ रन बनाउनुबाहेक अन्य खेलाडीले दोहोरो अंक छुन सकेनन् ।

इंग्ल्याण्डका लागि आदिल रसिदले २.२ ओभरमा २ रन मात्र खर्चेर चार विकेट लिए । मोइन अली र टायमल मिल्सले समान दुई/दुई विकेट लिए । क्रिस वोक्स र क्रिस जोर्डनले समान एक/एक विकेट लिए ।

अस्ट्रेलियाले दक्षिण अफ्रिकालाई ५ विकेटले पराजित गर्दै विश्वकपमा विजयी सुरुवात गरेको हो।

दक्षिण अफ्रिकाले दिएको ११९ रनको सामान्य लक्ष्य अस्ट्रेलियाले २ बल खेल्न बाँकी छदा ५ विकेटको क्षतिमा पार गर्‍यो।

अस्ट्रेलियाका लागि स्टिभ स्मिथले ३५ रन जोड्दा मार्कोस स्टोइनिसले नटआउट २४ रन जोडे। स्टोइनिसले १६ बल खेलेर ३ चौका हिर्काए। म्याथ्यु वेडले नटआउट नटआउट १५ रन जोडे।

त्यसअघि ग्लेन म्याक्सवेल १८ रन, मिचेल मार्स ११ रन र डेभिड वार्नर १४ रन जोडेर आउट भएका थिए।  कप्तान आरोन फिन्च डक आउट भएका थिए।

बलिङमा दक्षिण अफ्रिकाका एनरिच नोर्कियाले २ विकेट लिए।

त्यसअघि टस हारेर पहिले ब्याटिङ गरेको दक्षिण अफ्रिकाले २० ओभरमा ९ विकेटको क्षतिमा ११८ रन मा जोड्न सक्यो।

उसका लागि एडिन मार्क्रमले सबैभन्दा बढी ४० रन जोड्दा अन्य ब्याट्सम्यान सस्तैमा आउट भए।

बलिङमा अस्ट्रेलियाका जोश हजलउड, एडम जाम्मा र मिचेल स्टार्कले २-२ विकेट लिए।

 

प्रतिक्रिया

सम्बन्धित खवर

ताजा समाचार

लोकप्रिय