नेपाली कांग्रेसले राष्ट्रिय प्रजातन्त्र पार्टीलाई आफ्ना सहमहामन्त्रीका छोराले रक्सी चोरेको प्रमाणित गर्न चुनौती दिएको छ। आइतबारको प्रतिनिधिसभा बैठकलाई सम्बोधन गर्दै कांग्रेस प्रमुख सचेतक श्यामकुमार घिमिरेले राप्रपाका अध्यक्ष राजेन्द्र लिङ्देनलाई यस्तो चुनौती दिएका हुन्।

चैत १५ गतेको घटना भन्दै राप्रपा अध्यक्ष लिङ्देनले वैशाख १२ गतेको प्रतिनिधि सभा बैठकमा कांग्रेसका सहमहामन्त्रीको छोरा भाटभटेनीको सामान लुटपाटमा संलग्न रहेको, प्रहरीले पक्राउ गरे पनि छाडेको अभिव्यक्ति दिएका थिए।