कान्तिपुर हाफ म्याराथनको १३औँ संस्करण जेठ १७ गते हुने भएको छ। हाफ म्याराथनको १३ औँ संस्करण आगामी शनिबार हुने भएको छ।
आईतबार पत्रकार सम्मेलन गर्दै कान्तिपुर पब्लिकेसन्स लिमिटेडले हाफ म्याराथनको १३ औँ संस्करण जेठ १७ गते शनिबार हुने जानकारी दिएको हो।
हाफ म्याराथनमा यस वर्षको नारा ‘लेट्स रन फर ग्रिनर टुमारो’ रहेको छ।हाप म्याराथनमा यसपटक पुरस्कार राशीमा वृद्धि गरिएको आयोजकले बताएको छ। मुख्य विधा हाफ म्याराथनको पुरुष र महिला विजेताले जनही १ लाख ५० पाउने छन्। त्यस्तै दोस्रो देखि छैटौं हुनेले ७५, ५०, ३०, २० र १० हजार पाउने छन्।ह्विलचेयर रेस तर्फ विजेताले ३५ हजार तथा दोस्रो र तेस्रो हुनेले क्रमशः २५ र १५ हजार पाउने छन्। कर्पोरेट र सेलेब रन तथा कलेज रनको महिला र पुरुषतर्फ शीर्ष ३ मा रहनेले विभिन्न पुरस्कार र गिफ्ट ह्याम्पर पाउने छन्। हाफ म्याराथनमा कोर्ष रेकर्ड बनाउने खेलाडीले २५ हजार पाउने छन्।