नेपाल प्रिमियर लिग (एनपीएल) को दोस्रो संस्करणका लागि हुने अक्सनका लागि खेलाडी दर्ता प्रक्रिया सुरु भएको छ। प्रतियोगितामा सहभागी हुन इच्छुक नेपाली खेलाडीले अनिवार्य रूपमा अनलाइनमार्फत नाम दर्ता गर्नुपर्नेछ।

एनपीएल आयोजक नेपाल क्रिकेट संघ ‘क्यान’ले शुक्रबार एक प्रेस विज्ञप्ति जारी गर्दै हालै फ्रेन्चाइज टोलीबाट रिलिज भएका खेलाडी र नयाँ रुपमा अक्सनमा सहभागी हुन चाहने सबै नेपाली खेलाडीलाई दर्ता प्रक्रिया खुला गरिएको जानकारी दिएको हो।

हालै फ्रेन्चाइज टोलीबाट रिलिज भएका खेलाडीहरू तथा अक्सनमा सहभागी हुन चाहने सबै नया नेपाली खेलाडीहरूले अनलाइन दर्ता गर्नुपर्नेछ।

अक्सनका लागि खेलाडीहरूलाई तीन श्रेणी – ए, बी र सी मा वर्गीकरण गरिएको छ। खेलाडीहरूले आफ्नो इच्छा अनुसार उपयुक्त श्रेणी रोजी नाम दर्ता गराउन सक्नेछन्।