राप्रपानिकट राष्ट्रिय प्रजातान्त्रिक महिला संगठनद्वारा गृहमन्त्री समक्ष ज्ञापनपत्र प्रस्तुत गरेको छ । संगठनले महिला अधिकार, महिला हिंसा र सुरक्षासम्बन्धी विभिन्न मागसहित पत्र बुझाएको हो ।ज्ञापनपत्रमा यस्ता घटनाका दोषीहरूलाई कारबाही गर्न रपीडितलाई न्यायको माग गरिएको छ ।

संगठनकी अध्यक्ष अञ्जना शाह रावलको नेतृत्वमा गएको प्रतिनिधिमण्डलले आज गृहमन्त्री खाँडलाई ज्ञापनपत्र बुझाएको हो । सो अवसरमा पार्टीकी महामन्त्री कुन्ती कुमारी शाहीको पनि उपस्थिति रहेको थियो । राप्रपा र भ्रातृ संगठन असार १३ देखि विभिन्न सरोकारका माग लिएर आन्दोलनरत छ । गत असार १ गते विभिन्न २२ सुत्रीय माग राखी प्रधानमन्त्रीलाई ज्ञापनपत्र बुझाएको राप्रपाले आफ्ना मागहरू पूरा गराउन सरकारलाई दबाब सिर्जना गर्न निरन्तर आन्दोलनमा होमिएको हो ।