Khabar Samachar

अध्यक्ष पदबाट दिएको राजीनामा अझै स्वीकृत भएन – रवीन्द्र मिश्र

206
VIEWS

विवेकशील साझा पार्टीको अध्यक्ष पदबाट राजीनामा दिएका रवीन्द्र मिश्रले आफू नेतृत्वमा फर्किन नचाहेको तर अहिलेसम्म आफ्नो राजीनामा स्वीकृत नभएको बताएका छन्।

आफूले अध्यक्ष पदबाट राजीनामा दिएको अढाई महिना बितिसक्दा पनि विवेकशील साझा पार्टीले नयाँ नेतृत्व चयन नगरेकोमा उनले गुनासो गरेका छन्।

‘बारम्बार भनेको छु : म नेतृत्वमा फर्किन चाहन्नँ’, मिश्रले सामाजिक सञ्जालमार्फत भनेका छन्, ‘अढाई महिनासम्म राजीनामा स्वीकृत भएन, नयाँ नेतृत्व चयन भएन। अबको २/३ दिनमै नयाँ नेतृत्व चयन भयो भने खुसी हुनेछु।’

यसअघि उनले आगामी मंसिर ४ गते हुने प्रदेश तथा संघको निर्वाचनमा भाग लिन आफ्नै नेतृत्वमा दल दर्ता गर्न निर्वाचन आयोग जानुपर्ने प्रस्ताव राख्दै पार्टीका केन्द्रीय सदस्यहरुलाई पत्र पठाएका थिए।

‘यो पत्रले साथीहरूलाई झक्झक्याउने छ भन्ने आशा लिएको छु’, उनले भनेका छन्, ‘अन्यथा, दल दर्ता गर्ने अर्को विकल्प छैन।’

यो खबर पढेर तपाईलाई कस्तो महसुस भयो ?
Array
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित