भारतको छत्तीसगढमा यात्रु बोकेको ट्रक ट्रेलरसँग ठोक्किँदा कम्तिमा १० जनाको मृत्यु भएको छ।

छत्तीसगढको सरगाउँनजिक रायपुर-बलोदाबजार सडकमा एउटा मेलामा सहभागी भएर फर्किएका यात्रु बोकेको ट्रक ट्रेलरसँग ठोक्किएको थियो।

रायपुरका प्रहरी उपरीक्षक लाल उम्मद सिंहका अनुसार ट्रकमा चौथियामा छट्टीमा सहभागी भएर फर्कन लागेको यात्रुहरू चढेका थिए।

दुर्घटनामा धेरै मानिसहरू घाइते भएको बताइएको छ। विस्तृत विवरण सार्वजनिक भइसकेको छैन।