सोमबार सम्पन्न समूह ‘ए’ अन्तर्गतको खेलमा आयरल्यान्डले नेदरल्यान्ड्सलाई ७ विकेटले पराजित गर्दै विश्वकपमा सुखद् सुरुवात गरेको हो।

तीव्र गतिका बलर कर्टिस क्याम्फरको सानदार प्रदर्शनमा आयरल्यान्डले आईसीसी टी२० विश्वकप २०२१ मा विजयी सुरुवात गरेको छ।

जितको लागि १ सय ७ रनको सामान्य विजयी लक्ष्य पछ्याएको आयरल्यान्ड्सले १५.१ ओभरमा ३ विकेट गुमाउँदै पूरा गर्यो। आयरल्यान्डको जितमा ग्रेथ डेलानीले सर्वाधिक ४४ रन बनाए। उनले २९ बलमा ५ चौका र २ छक्का प्रहार गरेका थिए।

यता, ओपनर पाउल स्टर्लिङ ३० रनमा अविजित रहे। कर्टिस क्याम्फर ७ रनमा अविजित रहे। ओपनर केभिन ओ ब्रायन ९ र कप्तान एन्डी बालबर्नी ८ रनमा आउट भए।

नेदरल्यान्ड्सका फर्द क्लासेन, पिटर सिलार र ब्रेन्डन ग्लोभरले १–१ विकेट लिए।

त्यसअघि आबूधाबीमा टस जितेर ब्याटिङको रोजेको नेदरल्यान्ड्स निर्धारित २० ओभरमा १ सय ६ रनमा अल आउट भएको थियो। नेदरल्याड्सका ओपनर म्याक्स ओडाउडले सर्वाधिक ५१ रन बनाए। उनले ४७ बलमा ७ चौका प्रहार गरे।

कप्तान पिटर सिलारले २१ र भान बिकले ११ रन बनाए। अन्य कुनै पनि ब्याट्सम्यानले सम्झन लायक प्रदर्शन गर्न सकेनन्।

आयरल्यान्डका कर्टिस क्याम्फरले ४ ओभरमा २६ रन खर्चेर ४ विकेट लिए। मार्क आदिरले ४ ओभरमा ९ रन खर्चेर ३ विकेट लिए। जोश लिटिलको नाममा १ विकेट रह्यो।

प्रतिक्रिया

सम्बन्धित खवर

ताजा समाचार

लोकप्रिय