क्यानडियन प्रहरीले पृथकतावादी शिख नेता हरदीप सिंह निज्जरको हत्यामा संलग्न रहेको आरोपमा तीन जना भारतीयलाई पक्राउ गरेको छ।

शुक्रबार अलबेर्टाको एडमोन्टो सहरबाट तीन भारतीयलाई पक्राउ गरेको क्यानडियन प्रहरीलाई उद्धृत गर्दै अन्तर्राष्ट्रिय सञ्चार माध्यमहरूले लेखेका छन्।

पक्राउ पर्नेमा २८ वर्षका करणप्रित सिंह, २२ वर्षका कमलप्रित सिंह र २२ वर्षका करण ब्रार छन्। उनीहरूको संलग्नता र पृष्ठभूमीबारे अनुसन्धान भइरहेको रोयल क्यानाडियन माउन्डेट पुलिसका सहायक कमिश्नर डेभिड टेबोलले बताएका छन्।

निज्जर हत्यामा अन्यको पनि संलग्नता हुन सक्ने र ती व्यक्तिहरू पनि चाँडै पक्राउ पर्ने उनले बताएका छन्।