फिल्म ‘पूर्ण बहादुरको सारंगी’ ले सात दिनमा ८ करोड २५ लाख रूपैयाँ ग्रस कलेक्सन गरेको छ।

निर्माताले बिहीबार फिल्मको पहिलो साताको कलेक्सन सार्वजनिक गरेका हुन्।

लक्ष्मीपूजाको दिन रिलिज फिल्म बिहीबारदेखि दोस्रो सातामा प्रवेश गरेको छ।

‘पूर्ण बहादुरको सारंगी’ बिहीबार देशभरका ८९ वटा हलका ३८० भन्दा बढी शोमा प्रदर्शन भएको निर्माताले जनाएका छन्। यो नेपाली फिल्मको इतिहासमा अहिलेसम्मकै बढी शो हो।