काठमाडौं– नेपाल प्रहरीको २९औं महानिरीक्षक (आईजी)मा धीरजप्रताप सिंहलाई बढुवा गर्ने सरकारको निर्णयविरुद्ध २ जना अतिरिक्त महानिरीक्षक (एआईजी) अदालत जाने भएका छन्। सिनियर एआईजीहरू विश्वराज पोखरेल र सहकुल थापा सर्वोच्च अदालत जाने तयारीका साथ परामर्शमा जुटेका हुन् ।

२४ मंसिर २०७७ र २१ असार २०७८ मा एआईजी भएका पोखरेल र थापालाई पन्छ्याएर सरकारले आइतबार सिंहलाई आईजीमा बढुवा गर्ने निर्णय गरेको हो। सिंह १७ चैत २०७८ मा मात्रै एआईजी बढुवा भएका थिए। सिनियर एआईजीहरू विश्वराज पोखरेल र सहकुल थापा सर्वोच्च अदालत जाने तयारीका साथ परामर्शमा जुटेका हुन् ।