Khabar Samachar

रौतहटको यमुनामाई गाउँपालिका वडा नं. २ भिडियाही टोलमा स्थानीयले मतपेटिका नै लुटे

206
VIEWS

रौतहटको यमुनामाई गाउँपालिका वडा नं. २ भिडियाही टोलमा स्थानीयले मतपेटिका नै लुटेर हिँडेका छन्।

त्यहाँका स्थानीयबासिन्दाले श्री मावि​​ मतदान केन्द्रको मतपेटिका लुटेका हुन्। उनीहरुले त्यहाँबाट तीनवटा मतपेटिका लिएर खेतैखेत भागेका हुन्।

यमुनामाई गाउँपालिकाका मतदान अधिकृत हरिप्रसाद शर्माले मतपेटिका लिएर हिँडेपछि अहिले अवस्था सामान्य गर्न लागिएको बताए।

‘प्रहरी प्रशासनले पनि नियन्त्रण गर्न सकेन। २ देखि ३ वटा मतपेटिका लगिएको छ’, उनले भने, ‘मतदान गरिएका मतपेटिका नै स्थानीय लुटेर सडकमा लगेर फुटाइदिएका छन्।’

यो स्थानमा शुक्रबार मतपेटिका च्यात्नेदेखि झडपसम्मका गतिविधि भएका थिए। त्यहाँ दिउँसो प्रहरीले दर्जनौँ राउन्ड अश्रुग्यास हानेको थियो।

यो केन्द्रमा माओवादी केन्द्र तथा नेपाली कांग्रेस र जसपाबीचको गठबन्धनका दलहरुबीच दिनभर तनाव भएको छ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित