नवलपुर । कावासोती नगरपालिकामा गठबन्धनलाई पराजित गर्दै नेकपा एमालेका विष्णु भुसाल नगर प्रमुखमा विजयी भएका छन् । नेपाली कांगेसका महेन्द्र पोखरेललाई ३०४ मतान्तरले हराउँदै भुसाल विजयी भएका हुन् । भुसालले १८ हजार ६०८ मत र पोखरेलले १८ हजार ३०४ मत पाएका छन् ।

२०७४ सालमा पनि एमालेबाट चन्द्रकुमारी पुनसँग पोखरेल पराजित भएका थिए । १७ वडा रहेको कावासोतीमा ८ वटा वडा जितेको थियो । यस पटक एमालेले १२ वटा वडासहित मेयर र उपमेयर जितेको छ । चन्द्रकुमारी पुनले थालेको विकास अभियानले एमालेलाई अहिले जित निकाल्न सहज भएको हो ।

उपमेयरमा एमालेकै फूलकुमारी थनेतले माओवादीका पतिराम थारुलाई ५ हजार ४६३ मतान्तरले पराजित गरेकी छन् । थनेतले १९ हजार २४ मत ल्याएका छन् ।