Khabar Samachar

नर्भिकले सार्वजनिक जग्गामा बनाएको संरचना बारे अध्ययन गर्न समिति गठन गरिने

203
VIEWS

नर्भिकले सार्वजनिक जग्गामा बनाएको संरचना बारे अध्ययन गर्न समिति गठन गरिने भएको छ । 

थापाथलीस्थित नर्भिक अस्पतालले सार्वजनिक जग्गा मिचेर संरचना बनाएको नबनाएकोबारे अध्ययन गर्न अध्ययन समिति बनाइने भएको छ । अध्ययन समितिमा काठमाडौं महानगरपालिका र अस्पतालका प्राविधिकहरू रहनेछन् ।

सार्वजनिक जग्गामा बनाएका संरचना हटाउन काठमाडौं महानगरपालिकाका मेयर बालेन्द्र शाह (बालेन)ले सोमबार अस्पताललाई दिएको निर्देशन पालन भए नभएको हेर्न शाह मंगलबार अस्पताल पुगेका थिए । महानगरले लगाएको आरोपमा नर्भिकले कानून अनुसार नै जग्गा भाडामा लिएर भौतिक संरचना बनाएको बताउँदै आएको छ ।

काठमाडौं महानगरका मेयर बालेन्द्र साह हिजो आफैं नर्भिक अस्पताल पुगेर सरकारी जग्गा अतिक्रमण गरी बनाइएका संरचना हटाउन चेतावनी दिएका थिए । मेयरको निर्देशनमा महानगरले २४ घन्टे अल्टिमेटमसहितको सूचना अस्पतालमा टाँस गरेको थियो । उक्त अल्टिमेटम आज २ बजेसम्मका लागि थियो ।

समितिले प्रतिवेदन दिएपछि नियमानुसार भत्काइने भन्दै महानगरका मेयर शाह फर्किएका छन् ।नर्भिक अस्पतालले लिजमा लिएको एक रोपनी ८ आना जग्गाको पश्चिमतर्फ सम्झौता विपरीत र नक्सा पास नगरी घर टहरा बनाएको महानगरको भनाइ छ ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित